Vieftig jaor geleden in 't olde Brunnepe
De Noorderkarke in brunnepe
Deel 1
Beste mensen, ik wil
jullie graag ies meenemen een entien
terug in de tied, zo'n vieftig jaor geleden naor 't olde
Brunnepe, waor 't leven eenvoudig was ' ard e warkt wier,
en waor 't dialect de gewoonste taal van de wereld was.
Ik bin ook op e gruud in Brunnepe, en wat is d'r in die
vieftig jaor een kladde veranderd, ik wil d'r jullie d'r ies
een paar veurbeelden van geem.
Wi'j adden in die tied gien ieskaste, en wat een diepvrieskiste
was wisten wi'j evenmin
De meeste mensen deden de wasse in een teil, en wasten op een
wasbord met grune zepe, wasautomaten en centrifuges, nooit van eurd.
Wi'j ielden ons zelf skone bi'j 't anrecht, en as kiendes
gingen we somers in de balie op de plaase, want een douche of
een badcel was niet an de orde.
In de ni'je uzen in de anzewiek, in de volksmond ook wel
"Korea" e nuumd, die toen net e bouwd werden, daor waren ze de
tied varre veurruut, daor adden ze een badcel met een levet,
zo'n grote ronde granieten bak, op det moment 't modernste van't modernste
Ik ad in brunnepe ook nog echt een opoe, ze liep meestal in
een zwarte jork, ad altied een boezelaar veur met blummegies,
en in de koppieskaste stunnen een paar trummegies, ene met
steken, en in de anderre deesies en maalmoppies, daor ging ie
as kiendes met plezier naor toe.
In 't weekend stappen, was ons onbekend, 'runties lopen op de
Oldestaote, en ooguut was d'r met een verjaordag veur de
mannen een slukkien, en veur de vrouwen of een glaasien pik an
de lippe of een avvekaotien.
Wi'j zetten de drekbak an de straote, want de container en de
GFT bak mossen nog uut e vunn worrn.
Centerparks, tropisch zwembad, wisten wi'j veule, zwemmen deej
in de Iessel, bi'j 't peerdepad bi'j 't veerkoppien of bi'j
't arken' heufd, en wie d'r een ende lopen veur over ad die ging
nao 't zeebeumpien, En as oe va en mo toevallig een paar kwatties
over hadden dan moch ie aj geluk adden, naor 't gemeentebad
en det was in die tied al een ongekende luxe, een zwembad
met bad' okkies um oe umme te kleden.
noa de leemkoele in 'Attem, was bi'jnao een butenlandse reize,
oge snel' eidstrein, turbodiesels, vierwieldrive, de a28 en de
N50 waren d'r nog niet, dus deden wi'j alles op de fietse,
en aj in goeie doen waren dan koj oe een solex of een berini
veroorloven, een fietse met zo'n eigien op de veurband,
maar 't lange ende was op de fietse echt nog een lang ende.